BEA SAA
(Santiago de Compostela, 1986)
Formada
en Belas Artes na Universidade de Vigo, realiza estudos posteriormente
na USC e na Escola de Arte e Superior de Deseño Mestre Mateo.
Premiada
en numerosos certames de artes plásticas: Premio no VI Certamen
Nacional de Pintura Entre Valles; a Beca Inernacional de Arte Opovo 012
(Serbia); Premio Concello de Cangas en Arte no Morrazo 2011 e o Primeiro
Premio nos Novos Valores Galegos GzCrea 2009.
Membro
co-fundador do Colectivo Artístico 20 65, e co-directora da galería
A.dFuga en Santiago de Compostela. Entre as súas últimas exposicións
cabe destacar: o Circuíto de Creatividade 2011, organizado pola Xunta de
Galicia; Palavras, no CMI El Coto de Gijón e Camiños en feminino, da
Fundación Camiño de Santiago, entre outras. Actualmente forma parte da
mostra inaugural da galería About Art en Pontevedra.
 |
Amizade. 2009
Acrílico sobre papel
|
 |
Fragmento interior. 2010
Acrílico sobre papel
|
 |
Luz guía. 2010
Acrílico sobre papel
|
 |
Muro gretado. 2010
Acrílico sobre papel
|
 |
Camiño árido. 2010
Acrílico sobre papel
|
 |
Tras 32.782 días. 2010
Acrílico sobre papel
|
 |
Rienda. 2012
Técnica mixta sobre papel
|
 |
Vocablos. 2012
Acrílico sobre papel
A
partir dun “material” intento construír poéticas visuais que son, á
fin e ao cabo, reflexos do que me conforma e do que son como ser
humano, e máis especificamente como muller.
A identidade, a construción do individuo, a subxectividade, a dor física xerada por unha dor psicolóxica, o dramático, o abxecto e o traumático (en relación coas teorías de Lacan), o corpo e o rostro como máscaras e roles, os “veos”, o privado, o feminino… son aspectos que mostran a esencia da “miña existencia”, utilízoos para crear e son a base de todas as miñas obras. (…) Acentúo a miña posición, a miña “figura”... e por iso é a miña persoa o centro sobre o que xira todo o meu traballo. E é o meu sentimento o medio a través do cal expreso o meu facer / que non o meu comprender. |
